Ab emne gwösse Ponkt hed mers eifach satt eleige ds si. Soziale Kontakt esch es Grondbedörfnis wo dör online Interaktion ned vollständig cha ersetzt wärde. Zu doof dass emmer meh alles digital öber social media ablauft ond alli vereinsamid ond ine Depression gheied, wöu das intensivere Mettenand fählt.
För mech sälber esch es dör min Charakter scho emmer schwerig gsi neui Fröndschafte ufzboue ond vor allem au ufrächt z erhalte. (introvertiert, bruche vöu Ziit i de eigete Gedanke, met de eigete Gfühl – Persönlechkeitstyp INFJ-T för die wo sech uskönnid). Mobbing hed denn no zomene nedrige Selbstwertgfühl gfüert, was es lang no vöu schlemmer gmacht hed. Long story short:
För zom ergendwo Träffe suechi Lüüt im Ruum Lozärn oder Zöri (Zor Ziit wohni no im Kanton Lozärn werde vorussechtlech bald mol i de nöchi vo Dietike en Wohnig / es Zemmer bezieh/sueche). Ond söscht eifach för Onterhaltige schwiizwiit (vo mer us wältwiit) halt zäme schriebe oder öber Voicechats. Alles besser weder monatelang oder gar johrelang gar kei soziale Kontakt.
(Öberarbeitete mettlerwile glöschte Aktivität-post, wöui ned checket ha dass es do onterschedlechi Bitragsarte ged)
