Freunde suchen CH

Neui Fründe in ZH

Hey liebi Lüüt

Ich bin de John (m), 27i, us de Stadt Züri, offe und mit vielne Intresse. Under anderem Töff fahre, is Kino gah und ahschlüssend min Senf zum Film geh haha, schwizer Ortschafte erkunde, Gsellschaftsspiel spiel odr au mal ade PS4 ocke lol, in Usgang gah (Bar odr au mal gröber lol am liebste Techno oder Techhouse, pls dont judge me) und ja, würd mich uh freue über neui Bekanntschafte. Ich sött vilicht no erwähne, dasi en Fründ han (ja, tatsächli), aber bin ganz ufem Bode bliebe, alles gued hhe.

Mer chan uf de Bitrag reagiere oder au über Insta oder Facebook connecte :) eifach sege. Liebe Gruess!

Nöii lüt kennelere

Hallo zämme.

Eg würd gern nöii lüt kennelere, was ider Schwiz mängisch ziemlich schwierig isch.  Wenn me ned grad dürne Kolleg ine andere Fründeskreis inerütscht ^^ Ha me ider letschte Zit zfest uf mini Brueflichi Karriere und uf d Exfründin festgfresse und ha mini Kollege vernachlässigt. So simer haud nurno die wenige beste blibe. Na hoffe das hie klappet :D

So es paar Infos über me. Eg be 23 und us Solothurn, Schaffe 100% ider Automobilbranche. Es Riese Hobby isch d Solothurner Fasnacht (Wagebauzunft) und Offroadreise mit mim Pickup. Go sehr gern i Usgang mit Kollege sigs Club oder Bar. S Töffahre darfi natürlich au ned vergesse :D

 

Würdmi riesig ufne Nachricht freue, be für fasch alles zha ^^