Freunde suchen CH

Uf de Suechi noch enre coole Clique

Hoi Mitenand

Ich bin d Livia, 21gi und chume us de Nöchi vode Stadt St. Galle. D Fründschafte woni pfleg sind eigentli alles no Fründe us de Schuelziite und au nöd grad de Huufe. I würd drum mega gern mol neui Lüüt kennelerne wo a Fründschafte interessiert sind, wo chli tüüfer gönd als zemme über di alte Ziite und Belangloses plaudere. Ich finds toll wenn me inere Fründschaft am Wese vo de andere Person interessiert isch :)

Mini Traumvorstellig isch so e Clique wies es i Big Bang Theory hend oder so…

Zu mir, ich bin en ziemliche Streber, i liebs Neus z lerne und los Lüt gern zue, wo liideschaftlich über es Thema chönd verzelle. Ich mach im Moment d BMS zum nocher go studiere, wer drum cool wenn ihr au e chli geeky wäred :P (Harry Potter Fans sind very welcome ;) Di meischt Ziit bini recht ufgstellt, han aber au e sehr nochdenklichi Siite und philosophier oft im Züg ume.

Mini sustige Hobbies sind Lese, kreativs Gstalte, Youtube & Netflix und Geocaching (wer voll cool näbert z kennelerne wo au cache tuet!)

Falls der da nonig z abschreckend isch – i freu mi uf e Nochricht!

Umgebig Wil/St. Galle Stadt :)

Sali :)

Ich bin 19ni und würd gern mal chli neui Lüüt kennelerne. Ob sig zum über Gott und d’Welt pläuderle oder öppis lässigs zemme underneh, ich bin offe :)

Intresse vo mir sind under anderem Lese, Fuessball (bin au selber aktiv) und Abentüür plane und erlebe.

Würd mi freue es paar glichgsinnti Lüüt kennezlerne.