Sueche nöii Bekanntschafte (w) ir Region Bärn/Oberaargau
Sueche uf däm Wäg nöii wiblechi Bekanntschafte zum zämä öpis ungernäh (Spaziere, Chino, Shoppe, Sport, zämä Choche, Wy trinke oder eifach zum plöiderle). Ig bi w, 35gi, wohne z Langenthal im Oberaargau und bi sehr viusitig interessiert.
Ha ke Luscht meh uf:
- „Fründinne“, wo sech nur mäude, wes nä schlächt geit oder si süsch öpis bruche (bi ke Chummerchaschte oder Pestalozzi, cha aber guet zuelose und mache aus für mini Liebschte)
- „Fründinne“, wo eim regumässig versetze – äntwäder ischs eim gnue wichtig oder mä lats eifach la si
- „Fründinne“, wo geng nur Stress hei – biuigi Usrede – Ehrlechkeit wär mer lieber
- “Fründinne“, wo geng öper angers (Fründ oder Kollegin) müesse mitnäh
- “Fründinne“, wo ihres Läbä lieber online verbringe aus ir reale Wäut – aues nume Schein und Sein
We dir Froue, wüsset, was i meine , mäudet nech doch bi mir. Würd mi fröie.