Freunde suchen CH

Suech wahri Fründschafte

Hoi zämä

Ich bin Studentin anere Höhere Fachschuel und momentan Praktikantin, 20i und chum vom Kanton St. Galle. Ich han gmerkt, dass mir de soziali Kontakt zu andere Lüt ide letschte Johr gfehlt het. Ich bin sehr uf min Fründ fokussiert gsi und ha mittlerwile gmerkt, dass er nid alles wo ich gern mache mit mir teilt und i gern no anderi Lüt bzw. Fründe i mim Lebe wot kennelerne zum Sache chöne underneh.

I han au vor mim Fründ nie viel Kollege und Kolleginne gha und jetzt durs Studium hani de Kontakt verlore und es wohnt au niemert me dihei woni chönt regelmässig abmache. Für mich isches scho immer schwierig gsi neui Fründschafte zknüpfe will i ehnder e chli schüch bin und leider hani dur de grossi Teil im Homestudium kein Aschluss gfunde bi minere Klass vom Studium. Jetzt bin ich im Praktikumsjohr und han mit niemertem meh Kontakt vom Studium.

Drum bin ich i minere Freizit immer allei und tuen gern Büecher lese, Serie luege, bache und Sproche lerne. Mit mim Fründ gang i gern go Velofahre, wandere und snowboarde und skifahre. Ich wür mega gern Lüt kennelerne mit dene i chan use id Natur in See go bade, go Usflüg unterneh, wandere, uf Konzert, Spielöbig, go reise und so witer.

I hetti mega Freud, wenn sich öpert melde wür wo dra interessiert isch, langfristige und regelmässige Kontakt ufzbaue und anere echte Fründschaft interessiert isch.

I freu mi uf euri Antworte.

LG, Fabienne

Friends

Heii i bi d Fabienne, bin 19i :) ha mich ide letschte Johre selber zimlich isoliert has ger nid würkli gmerkt will i ha mini Ziit gern allei dihei zum lese, lerne, Netflix etc. verbrocht ha und i maches eig immerno gern hahah😂 ime Verein bini halt au scho lang nüme und ha so eig nie viel mit Lüt ztue gha und au vode Schuel her nie viel Fründe gha und alli simer halt verschiedeni Weg gange… i finds halt glich iwie schad zgseh wenn i min brüeder oder anderi lüt gsehn was die für en tolle fründeskreis hend in usgang und zeme id ferie usw gönd😅 ja drum hani mol wele froge ob öper intresse dra het e fründschaft ufbaue oder eif mol chli schribe wür mi freue😊

Neui Kollege/Kolleginne gsuecht

Heiii i chume usem Kanton St.Galle und bi fascht 18ni😊

I wür gern neui Lüüt kennelerne zwüsched 18i und 23i, da i im Real Life nonie so würkli Erfolg gha ha mit eme Fründeskreis. Klar stohn i nid allei do und ha  es paar Kolleginne aber i weiss dass sie nid fürs Lebe sind und sit i en Fründ han ha i au zu paarne de Kontakt wie e bitz verlore😔

Us welem Kanton ihr chömed isch mir eig glich i reise sowieso oft ide Schwiiz umenand🙈

Freu mich uf euri Antworte😇