Uf de Suechi noch enre coole Clique 
Hoi Mitenand
Ich bin d Livia, 21gi und chume us de Nöchi vode Stadt St. Galle. D Fründschafte woni pfleg sind eigentli alles no Fründe us de Schuelziite und au nöd grad de Huufe. I würd drum mega gern mol neui Lüüt kennelerne wo a Fründschafte interessiert sind, wo chli tüüfer gönd als zemme über di alte Ziite und Belangloses plaudere. Ich finds toll wenn me inere Fründschaft am Wese vo de andere Person interessiert isch :)
Mini Traumvorstellig isch so e Clique wies es i Big Bang Theory hend oder so…
Zu mir, ich bin en ziemliche Streber, i liebs Neus z lerne und los Lüt gern zue, wo liideschaftlich über es Thema chönd verzelle. Ich mach im Moment d BMS zum nocher go studiere, wer drum cool wenn ihr au e chli geeky wäred :P (Harry Potter Fans sind very welcome ;) Di meischt Ziit bini recht ufgstellt, han aber au e sehr nochdenklichi Siite und philosophier oft im Züg ume.
Mini sustige Hobbies sind Lese, kreativs Gstalte, Youtube & Netflix und Geocaching (wer voll cool näbert z kennelerne wo au cache tuet!)
Falls der da nonig z abschreckend isch – i freu mi uf e Nochricht!
Hei Livia :)
würd mii mega über e nochricht vo dir freue, falls din bitrag immer no aktuell isch.
Gern chömmer mol dnummer im privatchat ustusche :)
Grüessli :)
Heii bin vom Thurgau…..wennt willsch chasch mir gern schribe 😀
Heii Livia
wennd magsh chash mir gern emol schriebe :) glg
Heii Livia wennd wetsch chöntemer gern schribe😊 i bi d Fabienne und au usem Kanton SG
Hey livia schrieb mer doch mal persöndlich ;)